Бразилскиот претседател забрани да се објавува бројката на заразени и починати од корона вирус

Бразилската влада престана да ги објавува вкупните бројки на случаи со Ковид-19 и на починати, а од службената страница ги избриша и податоците за тестирањето.

Според информациите, овој потег е на претседателот Жаир Болсонаро, кој на своја сметка доби многу критики.

Веб-страницата на Министерството за здравство беше офлајн и се врати во саботата без вкупниот број смртни случаи и потврдени случаи, како и бројот на суспектните случаи и оние кои се опоравени.