Алиу за случајот со операции на срце: Извештајот помина на владина седница, брифирани се сите министри

Министерот за здравство во заминување, Азир Алиу, рече дека извештајот за неоправданите кардиохируршки и кардиолошки интервенции во јавните и приватните здравствени установи, кои ги утврди меѓународната независна комисија откако лани кардиологот Сашко Кадев обвини за непотребни операции во приватното здравство, поминал на затворена седница на Владата пред околу три недели.

-Тука завршува процедурата на Министерството за здравство. Брифирани се сите министри, знаат за што се работи. Понатаму, исто така информирани се и доставени се материјалите до понатамошните институции коишто треба да се бават, а тука знаете, освен клиничките моменти, се и финансиските и здравствените моменти – кажа Алиу.