Израелските одбранбени сили (ИДФ) денеска одведоа локални и западни новинари во едно од местата што Хамас ги нападна во саботата, каде беа пронајдени тела на деца и бебиња, јавуваат израелските медиуми.
Новинарите денеска го посетија селото Кфар Аза – како што пишува Би-би-си – местото на масакрот извршен од Хамас во близина на границата со Газа. Војниците му кажале на меѓународниот уредник на вести на Би-Би-Си, Џереми Боуен, дека Хамас извршил рации во куќи, палејќи ги и убивајќи цели семејства.
'It's not a war, it's not a battle. It's a massacre'
Journalists are let into Kfar Aza for the first time, four days after the community came under the shock attack by Hamas terrorists
IDF Major General Itai Veruv describes the scene of brutal violence, where whole families… pic.twitter.com/HJzoMKj2Ta
— i24NEWS English (@i24NEWS_EN) October 10, 2023
Еден израелски офицер изјави дека некои од загинатите биле обезглавени.
Според „Тајмс оф Израел“, репортерот на i24 News рекол дека командантот на ИДФ и рекол дека пронашле тела на околу 40 бебиња, од кои некои биле обезглавени.
„Гледате бебиња, мајки, татковци, во нивните спални соби, во нивните засолништа и како терористите ги убиваат. Тоа не е војна, не е бојно поле. Тоа е масакр“, изјави генерал-мајор Итаи Верув, пренесе Ројтерс.
Израелските официјални лица или независните меѓународни организации на местото на настанот не ги потврдија наводите за убиените деца.
