Дополнителната заменичка-министерка за внатрешни работи, Славјанка Петровска, изрази несогласување со, како што вели, начинот на кој постапиле полициските службеници при приведување на момче со домашно милениче заради прекршување на полицискиот час.
„Очекувам и соодветна санкција за нивното непочитување на мерките и неносење на заштитни маски и ракавици. Ако казнуваме за неспроведување на мерките, како тоа ние први да ги прекршуваме?“, напиша Петровска на фејсбук.
Откако на социјалните мрежи се појави видео на кое се гледа како полицајци со полициски автомобили и едно полициско комбе, без никаква заштитна опрема, приведуваат едно момче со неговото куче, реагираше и министерот Наке Чулев, кој најави дека одделот за внатрешна контрола ќе го испита настанот.