Македонија има добар економски прогрес, лани завршивме со трет најдобар раст на БДП во Европа, изјавил денеска премиерот Никола Груевски на Виенскиот економски форум, јавува владината прес-служба.
Од Владата инфорираат дека Виенскиот економски форум е еден од најреномираните и најеминентни политичко економски настани кои што се одржуваат на европскиот континент, а на овогодишниот настан покрај македонскиот премиер присуствуваат и претседателот на Австрија Хајнц Фишер, австрискиот премиер Вернер Фајман, албанскиот премиер Еди Рама, црногорскиот премиер Мило Ѓукановиќ и вицепремиерот на Бугарија Томислав Дончев
– Во првите 6 месеци од 2014 година имаме втор најголем раст од 4.1 отсто на БДП. Фокусирани сме на макроекономската стабилност, државниот долг е ниско умерен и изнесува околу 40 отсто. Фокусирани сме и кон капиталните инвестиции во инфраструктурата. Во моментот градиме три автопати и пруга кон Бугарија и она што е значајно за инвеститорите, покрај ангажираната работна сила која Македонија ја поседува, е тоа што имаме најниски трошоци за правење на бизнис во Европа – изјави премиерот Груевски.