Врнежливо и свежо време – детали

by Фокус 07:30
07:30

До крајот на денов во државава времето ќе биде облачно со врнежи од дожд. Локално врнежите ќе бидат ПОИНТЕНЗИВНИ (над 20 л/м2). Ќе има услови и за ретки грмежи а ќе дува и умерен, на некои места засилен ветер (над 60 км/час) и од југоисточен правец. Максималните дневни температури на воздухот ќе се искачуваат во интервалот од 8 до 14 степени.

Во Скопје и околината времето ќе биде облачно со повремени врнежи од дожд. Ќе дува умерен, повремено засилен ветер од југоисточен правец, максималната дневна температура ќе се искачи до околу 13 степени.

- Advertisements -

Потоа на повеќе места врнежи од дожд ќе има и утре додека од четврток врнежите ќе бидат полокализирани и послаби а ќе има и сончеви периоди. Исто така особено утре на планините врнежите ќе бидат од снег. Максималните дневни температури на воздухот и утре нема многу да се менуваат во однос на сегашните. Истите ќе се искачуваат во интервалот од 8 до 16 степени. Пораст на температурите се очекува од петок па натаму, и тоа под влијание на потопла воздушна маса од југ.

Вкупното количество на наврнат воден талог за време на овој влажен бран локално ќе надминува и 30 литри.

Подготви: Славчо Попоски

Поврзани новости