Возачите немаат трпение да се пушти во употреба автопатот Миладиновци-Штип, беровец е повреден откако удрил во сообраќајните знаци

Во 11,15 часот вчера било пријавено дека на автопатот во изградба Миладиновци-Штип, кај клучката за влез во Свети Николе, патничко моторно возило “Голф“ со скопски регистерски таблици, управувано од Г.М.(86) од Берово, удрило во сообраќајни знаци.

Г.М. се здобил со тешки телесни повреди констатирани од страна на лекар од Клиничката болница во Штип.

Увид на местото на настанот бил извршен од страна на увидна екипа од Полициската станица Свети Николе и се работи на целосно расчистување на случајот.