Владата почна постапка за набавка на „Ремдесивир“ – лек за Ковид-19

Владата на денешната седница го задолжи министерот за здравство да го потпише и имплементира Посебниот договор за јавна набавка на лекот „Veklury (remdesivir)“ согласно договорот склучен со Европската комисија.

Владата го задолжи Министерството за финансии да обезбеди дополнителни 13.500.000,00 денари, за плаќање на лекот „Veklury (remdesivir)“ за месец октомври, додека останатите средства во износ од 67.500.000,00 денари, за исплата по сукцесивна испорака на овој лек за период од 5 месеци, да се предвидат и обезбедат во буџетот на Министерството за здравство за 2021 година.