Најмалку 30 лица се повредени во руски напад со беспилотни летала врз железничката станица во украинскиот град Шостка во Сумиската област, потврди украинскиот претседателот Володимир Зеленски, пишува Скај њуз.
Украинскиот претседател објави на социјалната мрежа X: „Дивјачки руски напад со беспилотни летала врз железничката станица во Шостка, Сумиската област“.
A savage Russian drone strike on the railway station in Shostka, Sumy region. All emergency services are already on the scene and have begun helping people. All information about the injured is being established. So far, we know of at least 30 victims. Preliminary reports… pic.twitter.com/ZZoWfPmpL5
— Volodymyr Zelenskyy / Володимир Зеленський (@ZelenskyyUa) October 4, 2025
„Сите служби за итни случаи се веќе на терен и почнаа да им помагаат на луѓето. Сите информации за повредените се утврдуваат“, додаде тој.
„Досега знаеме за најмалку 30 повредени. Прелиминарните извештаи покажуваат дека на местото на нападот имало и персонал и патници“.
„Зарем Русите не можеле да знаат дека целат цивили. Ова е тероризам што светот нема право да го игнорира“, напиша Зеленски.
Регионалниот гувернер, Олег Григоров, изјави дека е погоден воз што се движел кон Киев и дека медицински лица и спасувачи се на местото на настанот.
И Зеленски и гувернерот објавија фотографии од местото на настанот на кои се гледа запалениот патнички вагон.
Шефицата на локалната окружна администрација, Оксана Тарасјук, изјави за украинската јавна телевизија дека во нападот се повредени околу 30 лица.