Силен земјотрес со јачина од 7,6 степени го погоди Минданао, вториот по големина остров на Филипините, додека во меѓувреме беше издадено предупредување за цунами. Населението е во процес на евакуација, додека на социјалните мрежи се споделуваат шокантни сцени од земјотресот.
Како што предупреди филипинскиот институт за сеизмологија, ситуацијата е сериозна и опасна, при што се дадени инструкции како жителите на овој остров да се подготват за евакуација, но и како да се однесуваат во затворени простори.
– Се очекуваат бранови високи над еден метар во деструктивно и опасно по живот цунами. Крајбрежните заедници кои може да бидат погодени мора веднаш да се евакуираат – се вели во соопштението на Институтот.
Scenes from the Philippines earthquake in a construction site.#EarthquakePH #earthquake #Philippines pic.twitter.com/Ydh0f7839D
— Gautam Varma (@IamGautamVarma) December 2, 2023
Совет за бродовите кои веќе се во морето е да останат во вода, додека засега нема информации за жртви, а некои делови немаат струја.
Како што пренесуваат некои медиуми, евакуација имало и во делови на Јапонија поради предупредувањето за цунами.
Земјотресите се вообичаени на Филипините, кои се наоѓаат на „Огнениот прстен“, појас од вулкани што го опкружува Тихиот Океан и е подложен на сеизмичка активност.
Powerful 7.6 magnitude earthquake rocks #Philippines. US tsunami warning system issued a warning, which is expected to hit Philippines and Japan. It was at a depth of 63 km (39 miles).#earthquake #Prayforphilippines pic.twitter.com/A9tu1NdREb
— Gautam Varma (@IamGautamVarma) December 2, 2023