Утрово ученик повредил неколку соученици со нож во средно училиште во Вупертал во западна Германија, пренесува Билд.
Во 9 часот и 52 минути полицијата добила повик дека ученик нападнал други ученици во гимназијата и повредил најмалку четири лица.
Напаѓачот потоа бил совладан и фатен на четвртиот кат од зградата околу 10:20 часот. И тој е повреден, а се сомнева дека повредите сам си ги нанел.
BREAKING:
4 students stabbed at a high school in Wuppertal, Germany pic.twitter.com/fig1GtqcTX
— Visegrád 24 (@visegrad24) February 22, 2024
Како што се наведува, полицајците го затекнале како седи на под облеан во крв.
Засега не се знае степенот на повредите.
Полициски хеликоптер го надлетува училиштето во кое се случи нападот, а на терен се и бројни спасувачки екипи.
Засега не се знае дали имал соучесник.