Во нападот врз шиитскиот муслимански храм во иранскиот град Шираз во централниот дел на Иран денес загинаа најмалку четири лица, објавија државните медиуми, додавајќи дека едно лице е уапсено. Според извештаите, вториот напаѓач избегал и полицијата трага по него.
Ниту една група веднаш не ја презеде одговорноста за нападот врз храмот Шах Чераг, за кој државната новинска агенција ИРНА соопшти дека го извршиле терористи.
„Четири лица загинаа во терористички напад на двајца вооружени мажи на храмот на Шах Чераг во градот Шираз“, објави новинската агенција ИРНА.
Исламската држава минатиот октомври објави дека извршила напад врз храмот во кој загинаа 15 лица, пренесува Ројтерс.
🚨#BREAKING: Shooting attack in Shahcheragh, Shiraz city
Fars Province, #Iran. pic.twitter.com/Llgke2DkGa— World Source News 24/7 (@Worldsource24) August 13, 2023