Вајгл: Тоа што штабовите на ДПМНЕ не се спремаат за избори, значи дека партијата ќе загуби

by fokus 15:33
15:33

Избори на 11-ти декември секако ќе има, а тоа што некои од политичките партии сè уште не почнале да се подготвуваат за политичка кампања, само значи дека ќе загубат на избори“, вели европратеникот Иво Вајгл, како одговор на укажувањето на ЦИВИЛ – Центар за слобода, дека во разговор со претставниците на политичките партии во Македонија, може да се донесе заклучок дека ВМРО–ДПМНЕ не ги ни започнала своите предизборни активности во локалните партиски штабови. Како што соопшти Вајгл, овој податок го добил и тој при последната посета во Скопје.

На прашањето на ЦИВИЛ, како ќе се одрази одлуката да не се продолжи мандатот на Специјалното Јавно обвинителство, врз владеењето на правото во земјата, европратениците одговорија дека тоа е внатрешна одлука на државата и дека врз тоа не можат да влијаат. Сепак, тие се согласни дека на СЈО треба да му се овозможат услови да ја заврши работата во предвидениот мандат.

- Advertisements -

„На дел од политичарите во Македонија, веќе им препорачав да си најдат добри адвокати“, вели Вајгл, кој уште еднаш безрезервно го поддржа СЈО.

Поврзани новости