Во текот на вчерашниот ден, полицијата фатила вкупно 58 нелегални мигранти во општина Липково и во Пробиштип.
Во поширокиот реон на с.Лојане, општина Липково, по претходно добиени оперативни сознанија и информации за зголемено присуство на лица и групи на мигранти, извршена била координирана акција и претрес на теренот. Притоа биле откриени и фатени вкупно 53 лица мигранти од Авганистан и Пакистан (43 мажи, 3 жени и 7 деца).
На патот с.Неокази-Свети Николе, во с.Петршино, полициски службеници од ПС-Пробиштип, при контрола на ПМВ „Ауди“ со штипски регистарски ознаки, управувано од А.М. (29) од с.Калаузлија и ПМВ „Нисан Сани“ со штипски регистарски ознаки, управувано од непознато лице, кое побегнало, биле пронајдени пет лица мигранти од Пакистан. Лицата биле пренесени во ПС Пробиштип за понатамошна постапка.