Украинската фудбалска легенда стана советник на Зеленски

Легендата на украинскиот фудбал – Андриј Шевченко ќе соработува со претседателот на својата земја, Володимир Зеленски.

Претседателот на Украина вчера со декрет го именуваше Шевченко за свој советник.

Беше наведено дека Шевченко е назначен за советник, но не беше појаснето за кои прашања ќе биде задолжен да му помага на претседателот Зеленски.

Шевченко – најдобриот украински фудбалер со екипата на Милан ја освои Лигата на шампионите во 2003 година, а една година подоцна ја освои и Златната топка.

За репрезентацијата на Украина постигна 48 гола на 111 настапи.