Трифонов: Ако формираме влада ќе зависиме од други субјекти

ГЕРБ е прва партија на изборите и тие не успеаја да формираат влада, но и ние не можеме да формираме стабилен кабинет бидејќи немаме потребен број пратеници, вели Слави Трифонов, прв човек на „Има таков народ“.

-Тие не можат да владеат, народот не одлучи така. Ако формираме влада во моментов ќе бидеме зависни и управувани од партиите што ќе ја поддржат – рече Трифонов.

Лидерот на втората најголема партија во бугарскиот Парламент истакна дека тие не можат да бидат зависни, особено од, како што вели, докажаните компромитирани политички субјекти.