Татко го терал синот да краде паричници

Четириесет и три годишниот В.А. од Битола вчера беше приведен, а во полициската станица на службен разговор бил повикан и неговиот малолетен син.

Како што информира МВР, утрото на 5 август на улицата „Мирка Гинова” во Битола малолетникот со употреба на сила одзел паричник од А.И. (70) од Битола.

Таткото на малолетникот е осомничен дека го поттикнал синот да го изврши делото.

Службениот разговор во полициската станица бил извршен во присуство на претставници од Центарот за социјални работи Битола.

Одземеното било пронајдено и вратено на сопственичката, а по целосно документирање на случајот ќе биде поднесена соодветна пријава.