Студентите на ФИНКИ ќе следат настава преку видео-конференциски систем

Факултетот ФИНКИ попладнево ги извести своите студенти дека од вторник наставата ќе се одвива преку систем за далечинско учење.

-Ве известуваме дека од вторник, 17.03.2020 година, Факултетот за информатички науки и компјутерско инженерство продолжува со изведување на наставата преку системи за далечинско учење. Наставата ќе се изведува користејќи го видео конференцискиот систем кој е имплементиран во студентскиот сервис Courses.
Согласно распоредот на часови ќе можете да се најавите на курсот во терминот кој е одреден и да следите настава.
Детално упатство за начинот на изведување и следење на настава ќе биде дополнително доставен, соопштија од ФИНКИ.