Столтенберг: Македонија во НАТО, откако ќе се реши спорот со името

Генералниот секретар на НАТО, Јенс Столтенберг во интервју за МИА изјави дека НАТО ќе ја покани Македонија да се приклучи како негова земја членка, откако ќе се постигне взаемно прифатливо решение за спорот за името во рамките на ОН.

Тој истакнува дека позицијата на Алијансата останува непроменета, односно дека сите одлуки се донесуваат врз основа на консензус на сите сојузници.

Столтенберг ги поздрави обновените преговори меѓу Македонија и Грција, но додаде дека не е во негова надлежност, решавањето на спорот за името.