Среќко Шоиќ нема да игра во Скопје поради влошеното здравје на Гутовиќ

Претставата ,,Украѓена личнос’’ со актерот Милан Лане Гутовиќ, која требаше да се одржи вечерва во Дом на АРМ во Скопје е откажана.

Како што информираат организаторите, причина за откажувањето е влошената здравствена состојба на Гутовиќ, познат во регионот по улогата на Среќко Шоиќ, кој во претставата е прикажан како еден вид на прототип на наш политичар.Тој е во улога на директор кој сака да јаде во кафеани, а не сака да плаќа, се труди за влез во Европската Унија со цел да си ги реализира сопствените желби, и работи само за себе.

Нема информации за кога е презакажана комедијата. Сите кои купиле билети, кои се продаваа по цена од 350 денари, истите можат да ги рефундираат на продажните места.

В.К.