Спасовски: Вељаноски не смее да ја води конститутивната седница

Социјалдемократскиот Сојуз бара контитутивната седница закажана за утре да ја води најстариот пратеник во Собранието, наместо како што инсистираат од ВМРО-ДПМНЕ, претседавач да биде Трајко Вељановски.

-Досегашниот претседател на Собранието, Трајко Вељаноски планира да ја води конститутивната седница, што е спротивно на Деловникот и на собраниската пракса, бидејќи најстариот пратеник претседава со конститутивната седница – вели генералниот секретар на СДСМ, Оливер Спасовски.

Од СДСМ бараат седницата да ја води најстариот пратеник, Бранко Манојловски од редовите на ДУИ.