Нухиу: Никој нема да биде над законот

by fokus

Новиот министер за внатрешни работи, Агим Нухиу, по денешното преземање на функацијата министер за внатрешни работи од Оливер Спасовски, вети дека ќе работи професионално и посветено.

Ќе направам максимални напори за сите граѓани да бидат задоволни од моето работење, без оглед на националната, верската и партиската припадност, вели новиот министер за внатрешни работи, Агим Нухиу.

– За овој период пред пошироката јавност изјавувам дека ќе се залагам за негување на професионализмот, почитување на уставните вредности и суштинските стандарди во рамките на нашите надлежности како во областа на државната безбедност така и во јавната безбедност. Ќе се почитуваат сите подкултури на хетерогените структури во МВР но тие неопходно треба да бидат комплементарни со институционалната хиерархија внатре во МВР, вели во писмената изјава првиот Албанец кој застанува на оваа функција според Договорот од Пржино.

Нухиу вели дека никој не е над законот, и дека секој ќе се соочи со него доколку се спротивставува на истиот.

Поврзани новости