Премиерот Оливер Спасовски објасни дека животот уште долго време нема да биде во онаа нормалност како пред да започне пандемијата со корона вирусот, а секојдневие ќе ни биде личната заштитна опрема и држењето дистанца.
-Во моловите нема да биде дозволено примање гости во рестораните и кафулињата, освен преку шалтер и достава. Скратено работно време од 10 до 18 часот, без недела. Остануваат задолжителни сите превентивни мерки како задолжително регулирање на бројот на лицата внатре во молот, задолжителни маски.
Од утре со работа може да почнат и обложувалниците преку шалтер.
Мора да прифатиме дека уште долго време нема ситуацијата да биде иста како пред пандемијата. Секојдневие ќе ни биде заштитна опрема, дистанцата и редовна дезинфекција, рече Спасовски.