Додека минситерот за внатрешни работи, Наќе Чулев, во соопштение до јавноста тврди дека ја прифатил најстрогата казна за својот советник, Зоран Ѓоргевски, неофицијалните информации покажуваат дека советникот бил казнет со намалување од плата и суспензија од еден ден.
Ѓоргевски е казнет со по 15 % од плата во периодот од 6 месеци. Исто така одлуката е да му се укине суспензијата и тој да се врати на работа веднаш. Насилниот полициски советник беше суспендиран вчера и по само еден ден суспензија се враќа на работното место во кабинетот, а од понеделник во СВР Тетово каде е инспектор и каде секојдневно ќе се гледа со колегата кого го нападна, јави Телма.
Обвинителството продолжува да работи на предметот против него бидејќи е осомничен за две кривични дела насилство и малтретирање при вршење на служба.
Доколку обвинителството покрене обвинение и има судска пресуда со затворска казна повисока од 6 месеци тогаш автоматски насилсниот полицаец ќе замине од МВР. Дотогаш ќе биде инспектор.