Собранието денеска ќе одлучува за разрешување на Зврлевски

За денеска е закажана нова седница на која ќе се расправа за разрешување на актуелниот јавен обвинител Марко Зврлевски кој важи за близок човек на претходната владејачка структура предводена од ВМРО ДПМНЕ.

Не е познато дали обвинителот ќе присуствува на седницата покрај фактот што има право на тоа.

Со осум гласа „за“ и еден против, Советот на јавни обвинители даде зелено светло за предлогот на Владата за негово разрешување.