Села најавува ново парламентарно мнозинство

После локалните избори можно е ново парламентарно мнозинство, најави претседателот на Алијансата за Албанците, Зиjадин Села. Според него, СДСМ и ДУИ ќе го загубат легитимитетот од граѓаните на претстојните локални избори.

-Ново парламентарно мнозинство по изборите е можно, затоа што СДСМ и ДУИ ги губат изборите и со тоа губат секаков морален кредибилитет да продолжат да владеат со народот. Од нив власта ќе биде одземена со глас, на денот на локалните избори. И секако дека очекувањата на опозицијата се да има нова Влада – рече Села на Алсат М.

Тој порача дека Зоран Заев ќе ја загуби власта.