Најмалку три лица се спасени од урнатините откако денеска се урна трикатна станбена зграда во предградие на Неапол.
Спасувачите ја продолжуваат потрагата по преживеани, објавија италијанските медиуми.
Три лица се извлечени од урнатините на зградата во Торе дел Греко, која е оддалечена околу 12 километри од Неапол, а во болница се згрижени со повреди на различни делови од телото, јавува италијанската агенција АНСА.
Италијанските медиуми јавуваат дека две лица во близина на зградата се полесно повредени при уривањето, кои биле погодени од парчиња од урнатините.
Спасувачите продолжуваат да трагаат по луѓе во урнатините, а не е познато колку имало внатре во зградата во моментот на уривањето.
Исто така, пожарникарите се обидуваат да ослободат две постари жени кои се заробени во нивните домови по уривањето на блиската зграда. Мештаните велат дека зградите во Торе дел Греко се многу стари, а онаа што се урна била особено критична и имала видливи пукнатини и други знаци на опасност, наведува италијанската агенција.
Una palazzina di tre piani è crollata la mattina di domenica 16 luglio a Torre del Greco, in provincia di Napoli. Il cedimento è avvenuto in una struttura in Corso Umberto 61.#crollo #palazzina #TorredelGrecohttps://t.co/WqwESIjBO3 pic.twitter.com/LCUyviPmrn
— Giuseppe D’Alto – Notizie Audaci (@giuseppe_alto) July 16, 2023