Опасниот ураган од трета категорија Идалија, од максимални 5, пристигна во областа на Флорида, а ветровите дуваа со брзина од околу 200 км/ч.
Идалија е третиот ураган што ја погоди Флорида во изминатата година, по ураганот Иан во септември 2022 година и ураганот Никол во октомври 2022 година. Оттогаш ослабна до категорија два.
Идалија оди од сила на сила во последните 24 часа. Се очекува да донесе значителни бранови на бури и да предизвика издигнување на морињата помеѓу 1,2 и 1,5 метри во заливот Тампа. Повеќе од 230.000 жители на Флорида се веќе без струја, објави Си-Ен-Ен.
Издадено е предупредување за торнадо за речиси 12 милиони луѓе низ централна и северна Флорида и југоисточна Џорџија. Жителите се предупредуваат сериозно да ја сфатат ситуацијата бидејќи ќе дојде момент кога службите за итни случаи повеќе нема да можат да пружат помош. Веќе се пријавени проблеми со пристапот до некои евакуирани области.