СДСМ: Груевски ќе одговара за изборниот криминал

by Фокус 11:32
11:32

-Во избирачкиот список има точно 330.588 сомнителни гласачи. Оваа сериозна бројка на сомнителни гласачи го потврдува се она што СДСМ го говореше, дека на власт е нелегитимна, криминална банда. Изборниот криминал на Никола Груевски и ВМРО-ДПМНЕ е целосно потврден. Срамната одлука на Уставниот суд е дополнително признание за изборниот грабеж и потврда дека Никола Груевски се плаши од соочување со одговорноста за криминалот.Но нема спас за Никола Груевски и ВМРО-ДПМНЕ. Никола Груевски и ВМРО-ДПМНЕ ќе одговараат за изборните измами и криминалот што го правеле овие 10 години. Ниту партиските послушници во Уставниот суд нема да го спасат Никола Груевски од одговорност, стои во соопштението на СДСМ.

Од апртијата уште еднаш потсетуваат кои судии стојат зад одлуката.

-Јавноста веќе е запознаена за партиската поврзаност на Елена Гошева, Јован Јосифовски и Никола Ивановски со ВМРО-ДПМНЕ. За братот на судијата Ивановски е поднесена кривична пријава пред три години, а се уште не се знае ништо за неа. Ќерката на претседателката на Уставниот суд, Елена Гошева, Слободанка е директорка за регулатива и големопродажба во Телеком, каде што главен извршен директор е кумашинот на Сашо Мијалков, Жарко Луковски. Слободанка Гиевска односно Гошева била потпретседателка на подмладокот на ВМРО-ДПМНЕ, УМС. Сопругот на Слободанка е Игор Гиевски, поранешен претседател на УМС на ВМРО- ДПМНЕ, сега член на Управниот одбор на ЕВН, именуван од владата. Нејзиниот татко, односно сопругот на Елена Гошевска, Ѓорѓи Гошев, бил поранешен директор на Студентскиот центар, назначен од ВМРО-ДПМНЕ. Другата ќерка на Елена Гошева, Бојана Гошева, работи во Агенција за електронски комуникации.

- Advertising -

Јован Јосифовски и неговото семејство се исто така тесно поврзани со ВМРО-ДПМНЕ. Од 2006-та до 2011 година Јосифовски бил претседател а и член на Државната изборна комисија предложен од ВМРО-ДПМНЕ. Како член на ДИК, Јосифовски учествувал во избори што се предмет на кривично-правна истрага за изборни нерегуларности. За Уставен судија, Јосифовски е предложен од Илија Димовски, односно од ВМРО-ДПМНЕ и во отсуство на пратениците од опозицијата е избран во 2012 година. Дополнително, синот на судијата Јован Јосифовски, Борис, е генерален секретар во Кабинетот на Ѓорѓе Иванов, од ВМРО-ДПМНЕ, наведуваат од СДСМ.

 

Поврзани новости