Првороденото бебе доби пасош и пари од МВР и од финансии

by lali 09:23
09:23

Министерствата за внатрешни работи и за финансии се приклучија кон дарувањето на првороденото дете во 2014 година. Тоа од министерката за внатрешни работи го доби највредниот подарок – пасош, а од финансии – пари. И сега практично од мали нозе поседува се што му треба за успешен живот.

– Навистина ни е жал што не сме овластени да му издадеме бугарски пасош и уште повеќе да ги зголемиме неговите перспективи за иднината. Но, се мора да биде според уставот и законите, па моравме да му издадеме македонски падош, а за бугарски ќе мора да се погрижи самиот кога ќе порасне – изјави министерката Гордана Јанкуловска при врачувањето на подарокот.

- Advertisements -

Нејзиниот колега Зоран Ставревски не откри колку пари има во ковертот што го доби новороденчето со објаснување дека тој податок се менува од момент во момент, а и класифициран е како државна тајна.

– Во секој случај има доволно за билет во еден правец кон која било дестинација на планетата – се пошегува Ставревски.

Поврзани новости