Евгениј Пригожин објави аудио порака на својот профил на Телеграм, во која наведува дека ниту еден од командантите на групата „Вагнер“ не се согласил да потпише договор со Министерството за одбрана на Русија и дека неговата платеничка чета мора да престане да постои на први јули. Тој рече дека целта на неговиот марш до Москва е да го спречи уништувањето на групата „Вагнер“.
„Мислевме дека нашите борци ќе бидат претворени во топовско месо доколку потпишеме договор со Министерството за одбрана поради начинот на кој редовната армија настапуваше во акциите. Некои борци решија да се приклучат на силите на Министерството за одбрана, но тоа беше малцинство.Ние бевме категорично против тоа.. Направивме план, сакавме да одиме во Ростов на 30 јуни и јавно да ја поставиме нашата опрема во близина на штабот на армијата.Но, и покрај тоа што не покажавме никаква агресија, бевме бомбардирани. Во воздушниот напад загинаа 30 борци и тоа не принуди веднаш да започнеме воена акција. Целта на нашата акција беше да го спречиме уништувањето на Вагнер и да ги изведеме пред лицето на правдата оние кои со своите непрофесионални постапки направија голем број грешки. за време на специјалната воена операција“, рече Пригожин.
Тој негираше дека неговиот „марш за правда“ имал за цел да го собори рускиот претседател Владимир Путин.
„Целта на маршот беше да се избегне уништувањето на Вагнер. Сакавме да ги повикаме на одговорност сите функционери кои направија огромен број грешки со своите непрофесионални постапки“, рече Пригожин. Тој вели дека Вагнер жали „што морале да ги погодат руските воздушни сили“ и нивните бази.
„Решивме да се свртиме додека одиме кон Москва за да не ја пролееме крвта на руските војници. Бевме на маршот за да го демонстрираме нашиот протест, а не да ја собориме владата“, рече Пригожин.
Пригожин се согласил да ја напушти Русија и да замине во Белорусија откако ги отповикал своите војници, но не се знае точно каде се наоѓа и тој не го откри тоа во својата аудио порака.
