Италијанецот Фабио Мачелари (48) во својата фудбалска кариера настапуваше за Лече, Каљари, Интер и Болоња, меѓу најистакнатите италијански клубови.
Овој лев бек пред осум години ја заврши кариерата, а сега за проблемите со пороците во текот на професионалната фудбалска кариера проговори во подкастот „One More Time“.
„На осум натпревари имав седум или осум асистенции. Најсилно се чувствував на левата страна, ги скршив противниците, а потоа се повредив и почна опуштањето. Враќањето се очекуваше за четири ипол месеци. Имав многу слободно време. Пробав кокаин. Имаше се, жени на пример, што сакаш, но тоа веќе не беше доволно“, рече тој и продолжи:
„Пробав кокаин за првпат дома во Болоња. Грешката е што има работи посилни од тебе. Така оди кога си арогантен. Некои работи треба да се остават, не треба да ги земате, дури и ако се чувствувате како Супермен“ рече тој.
Тврди дека имал и сексуална болест: „Постои паралелен свет поврзан со кокаин. Нормалноста веќе не беше доволна. Мислам дека имав сексуална болест. Имаше жени на насловните страници кои не ги гледате во нормалниот живот“.
Мачелари раскажа како „по пет дена без сон се нашол во топла када“.
„Се вовлеков во кревет и не бев сигурен дали сакам да се разбудам следниот ден. Кога станав, истрчав во планините и го започнав процесот на детоксикација“ рече тој.
По кариерата започнал да работи како келнер, а потоа се преселил во пекара. Подоцна станал дрвосечач бидејќи таа работа му помогнала да се ослободи од бесот.
Денес работи како ѕидар.