Нарушени се плановите на Формула 1 – поради поплавите во Италија и отежнатиот пристап до патеката во Имола, а од попладнево трката за големата награда на Емилија Ромања е откажана.
Информацијата ја сподели „Скај спортс“, официјалниот пренесувач на трките во Ф1 во Велика Британија.
Италија ја зафатија обилни дождови, кои направија масовни поплави во тој дел на Италија, во Тоскана и во Емилија-Ромања. Според протоколот, екипажите уште во понеделникот ја истоваруваат својата опрема, па сега добиле насока да го напуштат целиот комплекс на „Аутодромо Енцо е Дино Ферари“, во Имола.
Реката Сантерно, која тече веднаш близу патеката е на исто ниво со брегот и сето тоа придонесе Формула 1 да ја откаже трката.
Најверојатно тимовите со својот својот багаж и целата опрема ќе се насочат кон Монте Карло, за следната трка, предвидена за 28 мај годинава.
The decision has been taken not to proceed with the Grand Prix weekend in Imola#EmiliaRomagnaGP #F1 pic.twitter.com/4taauGnFEA
— Formula 1 (@F1) May 17, 2023