Полицискиот час синоќа го прекршиле 77 лица, но сите ја почитувале мерката за изолација

Во текот на изминатото деноноќие евидентирано е дека на ниво на целата држава 77 лица не ја почитувале забраната за движење, при што приведени се 46 лица, а за останатите се земени податоци и ќе следуваат соодветни мерки, информира полицијата.

Како што соопшти МВР, според статистичките податоци за изминатото деноноќие на 219 лица им се издадени решенија за изолација, а 84 лица потпишале изјави за самоизолација.

Патем, од страна на полициски службеници извршени се контроли кај лица во изолација и самоизолација, при што не се евидентирани лица кои не ја почитувале оваа мерка.