Песков: Странски воени сили не може да бидат гаранција за безбедноста на Украина

Гаранциите за безбедноста на Украина не можат да бидат обезбедени преку присуство на странски воени контингенти, изјави портпаролот на Кремљ, Дмитриј Песков, во соопштение објавено денеска.

„Може ли безбедноста на Украина да биде загарантирана од странски, особено европски и американски воени сили? Дефинитивно не“, порача Песков.

Тој додаде дека таквиот пристап „не може да биде прифатлива гаранција за безбедност“ за Русија.