Парична казна за лицето кое нападна волонтер поради Груевски

by fokus 17:20
17:20

МВР поднесе прекрошочна пријава против скопјанецот Хајрадин Сулиш, кој вчера пред претседателот на ВМРО-ДПМНЕ, Никола Груевски физички нападна волонтер во поплавеното Сингелиќ.

Од таму соопштија дека нападниот волонтер, Гоце Маркоски, инаку член на партијата Левица, денеска го пријавил случајот во полиција, по што на напаѓачот му бил издаден записник за констариран прекршок по член 12 од Законот за прекрошиците против јавниот ред и мир.

Според членот 12 од Законот паричната казна за овој вид на прекршок изнесува од 600 до 800 евра.

Инаку, инцидентот во Сингелиќ настана, откако Маркоски почнал да го критикува експремиерот, по што Сулиш со тупаници се нафрли врз волонтерот.

Од владејачката партија демантираа дека напаѓачот е нивни член или придружник на Груевски и обвинија дека се работи за провокатор на СДСМ.

Поврзани новости