Откако не му дозволиле да ја пријави сообраќајката, му го украле возилото и му го оставиле своето

Вчера попладне на локалниот пат кај село Брест се случила сообраќајна незгода меѓу патничко моторно возило Голф со штипски регистарски ознаки, управувано од Т.С. (50) од Брест, и патничко моторно возило Фиат Пунто без регистарски ознаки, управувано од непознато лице.

Според пријавеното до полицијата, кога Т.С. излегол од возилото и сакал од својот мобилен телефон да го пријави настанот во полиција, бил физички нападнат од возачот и совозачот на пунтото, кои потоа му го одзеле возилото и избегале, оставајќи го нивното возило на лице место.

Подоцна, полицијата го пронашла одземениот Голф во близина на Брест и работи на целосно расчистување на случајот.