Охриѓанец ја претепа партнерката, агресивен кичевец искрши дел од покуќнината

МВР информира дека вчера во 05:50 часот во Охрид, полициски службеници од СВР Охрид го лишија од слобода Н.Д.(34) од Охрид, постапувајќи по претходна пријава дека во семејниот дом во Охрид физички ја нападнал неговата партнерка.

По целосно документирање на настанот, против него ќе биде поднесена соодветна пријава.

Утрово, пак, во 01:00 часот во Кичево, полициски службеници го лишија од слобода Т.С.(31) од Кичево, постапувајќи по претходна пријава дека агресивно се однесувал кон членови на неговото семејство и оштетил дел од покуќнината.

По целосно документирање на настанот, против него ќе биде поднесена соодветна пријава, соопшти полицијата.