Обама: Да можев да се кандидирам, по трет пат ќе победев!

Претседателот на САД во заминување, Барак Обама жали што не можеше да се кандидира за претседател на последниве избори.

Тој е сигурен дека доколку законот дозволуваше уште еднаш да се кандидира, повторно би победил и би добил трет мандат за Белата Куќа.

Обама верува дека се уште е омилен политичар кај поголем дел од американската јавност и дека „нацијата и понатаму во голема мера ја поддржува неговата визија, иако Американците во ноември гласаа за Доналд Трамп кој застапува политички спротивни ставови.”

Сепак, Обама порача дека е горд за се што постигнал за време на неговите два мандати.