Десетици луѓе беа повредени во саботата во Тел Авив, додека стотици поддржувачи и противници на владата на Еритреја се судрија меѓу себе и со израелската полиција, соопштија властите во Израел, јави Си-ен-ен.
Израелската служба за итни случаи Маген Дејвид Адом (МДА) соопшти дека повеќе од 114 луѓе биле згрижени поради повреди, вклучително и десетици полицајци. Осум од повредите се сериозни, се вели во соопштението на МДА.
Израелската полиција подоцна соопшти дека 49 полицајци биле повредени, а 39 лица биле уапсени. Полицијата која се чувствувала загрозена испукала боева муниција додека се извлекувала од толпата, велат тие. Засега не е јасно дали некоја од повредите во денот е од жив оган на полицијата.
Видеата на социјалните мрежи покажаа дека поддржувачите на владата на Еритреја се судираат со антивладините демонстранти.
Еритрејците го сочинуваат мнозинството африкански баратели на азил во Израел.
Израелската полиција истрела шок бомби во обид да ја растера толпата, додека некои демонстранти фрлаа со камења кон полицијата и запалија корпи за отпадоци.