МВР распиша меѓународна потерница за Раиф Мифтари, осомничен во „Двојник“

Министерството за внатрешни работи (МВР) на веб страницата објави дека е распишана меѓународна потерница за Раиф Мифтари од Скопје, осомничен за кривичното дело злоупотреба на службената положба и овластувања пропишано во членот 353 од Кривичниот законик. Мифтари е еден од осомничените во истрагата Двојник, односно за лажнитете пасоши, кого МВР не го пронајде во неговиот дом.

– Се бара со наредба број 5 КО.БР.1126/21 од  09.04.2021 година од ОЈО Скопје, за основано сомнение дека сторил кривично дело по член 353 од КЗ на РСМ, стои на веб страницата на МВР.