На анкетите имаме предност од 2 спрема 1 во однос на СДСМ, истакна лидерот на ВМРО-ДПМНЕ Христијан Мицкоски на брифинг со новинарите.
Тој рече дека мерат и рејтинг на коалиции, при што посочи дека потенцијалот на коалицијата на ВМРО е 23-24 отсто, а на сегашната коалиција на СДСМ е 12-13 проценти.
Заедничката листа на ДУИ и АА, според него, е околу 8 отсто, а на албанската опозиција е околу 5 отсто.
Ако СДСМ, ДУИ, АА и ДПА одат заедно, според Мицкоски, заедно имаат 18-19 отсто.
Што се однесува до Левица и ЗНАМ, нивниот рејтинг се движи по околу 4-5 отсто.
Во смисла на мандати, вели тој, ВМРО би имал 51 до 54 пратеници, СДСМ ако оди сама би освоила 26 до 29, а со ДУИ и АА 41 до 43.
Според овие анкети што ги прави опозициската партија, излезноста треба да биде околу 900 илјади или под 50 отсто.
В.С.