Владата на вчерашната седница го задолжила министерството за економија во рок од седум дена да се изјасни дали се исполнети условите за раскинување на договорот со Еуромакс за рудникот Иловица.
Ако се потврди дека концесионерот не ги исполнил обврските од договорот владата за седум дена на следната седница и официјално ќе го раскине договорот и по Казандол и Иловица ќе престане да ја бранува јавноста.
Демократска обнова на Македонија (ДОМ) очекува Министерството за економија да констатира истечен рок на концесијата за рудникот Иловица со едноставно читање на договорот.
Единствениот логичен епилог е одземање на концесијата на следната владина седница, аналогно на случајот со рудникот Казандол. Ова ќе значи победа на правото, еколошката свест и здравиот разум над лажните ветувања на заговорниците за изградба на опасен рудник над плодното Струмичко Поле“, е ставот на паријата ДОМ
Дека треба да се одземе концесијата за Иловица заради тоа што концесијата е истечена уште пред три години постојано укажуваа и еко активистите. Тие изминативе десет дена ги засилија своите протести и со жив штит ја бранеа котлината од која најмногу живеат земјоделците. Компанијата „Еуромакс рисорсис“, која е инвеститор на рудникот за бакар и злато Иловица – Штука, во 2014 склучила договор со владата за концесија. Граѓаните и еко активистите уште од тогаш го почнаа движењето за запирање на рудникот кој требаше да се копа во еден од нај земјоделските региони