Дури и да исчезне Џозеф Бајден, Вашингтон ќе продолжи со својата антируска политика – за оваа цел се создадени опасни и моќни групи професионалци, предупредува Андреј Медведев, познат руски ТВ новинар и потпретседател на Московската градска дума.
-Бајден е стар, можеби не може да живее без апчиња, но тој е многу искусен и опасен политичар. Тој намерно ја вовлече Украина во војна со Русија и ја наведе Европа да се помири со загубата на гасоводот Северен тек, рече Медведев.
Во 2020 година, тимот на Бајден собра 2.000 експерти кои беа поделени во групи: оружје и одбранбена индустрија, разузнавачки служби, национална безбедност, Блискиот Исток, Европа, Кина.
Едната група беше предводена од Даниел Бенаим, советник на Бајден и поранешен говорник на државната секретарка Хилари Клинтон.
Со групата за одбранбени прашања претседаваше Френк Кендал, поранешен потсекретар за одбрана. Групата Европа беше предводена од Мајк Карпентер, поранешен заменик помошник секретар за одбрана за Русија, Украина и Евроазија и поранешен советник за надворешна политика на тогашниот потпретседател Џо Бајден.
Нивната задача беше да ја проценат надворешната политика на САД и да дадат предлози за нејзина промена.
Веднаш беше јасно зошто Викторија Нуланд ја враќаат во Стејт департментот – тие ги планираа настаните во Украина уште пред изборите во 2020 година.
– Тогаш, пред три години напишав: „Дали навистина сме подготвени да се справиме со голем тим што ќе игра против нас? Прашањето овде не е кој ќе победи? Прашањето е – кој ќе преживее? – рече Медведев.
Тој објаснува дека за Америка не е важно кој е претседател или дали е здрав.
– Земјата ја водеше и пијаниот Грант, Реган беше тешко болен на крајот на мандатот, па дури и глупавиот Буш помладиот не успеа да ја уништи Америка. Затоа што таму претседателот е нешто како претседател на одборот на директори на компанијата со контролен пакет акции и право на потпис, но не со одлучувачки глас – објаснува Медведев.