„Во однос на поднесените предлози од страна на Јавното обвинителство за гонење кривични дела поврзани и кои произлегуваат од незаконското следење на комуникациите ( СЈО ) за опрелеување мерки за обезбедување присуство и мерки за претпазливост против повеќе лица опфатени во различни предлози, ја информираме јавноста дека сите предлози веќе се распоредени во работа пред Кривичните совети на овој суд и по истите се постапува.
Со оглед на големиот број на предлози и лицата опфатени во нив, како и доказниот материјал приложен во предлозите, судиите кои постапуваат во советите вложуваат напори да донесат одлуки во законски предвидениот рок. Но, со оглед на фактот дека по донесување на одлуките, за сите предлози, истите треба прво да бидат писмено изработени и доставени до странките во постапката, по завршување на целокупната процедура, за која не може да се предвиди колку време може да трае, јавноста веднаш ќе биде информирана за донесените одлуки на Кривичните совети“, се вели во соопштението на скопскиот Кривичен суд.