Колони возила на Богородица – се чека за во Грција

Колони возила чекаат да ја преминат границата и да одат во Грција. Како што информираат од АМСМ на граничниот премин „Богородица“, за излез од земјава кон Грција се чека по околу еден час.

На останатите гранични премини, како што наведува АМСМ, пак, нема подолги задржувања за влез и излез од државата.

Кога станува збор за интензитетот на сообраќајот низ патиштата во државата, надвор од градските средини, исто така, се забележува зголемен интензитет.