По нецелосните резултати од претседателските избори во Турција, беше најавено дека турските гласачи ќе ги чека уште еден изборен круг во кој ќе има директен конфликт меѓу долгогодишниот лидер Реџеп Таип Ердоган и опозицискиот претставник Кемал Киличдароглу.
Според податоците на агенцијата Anadolu, по пребројани 99,38 отсто од гласовите, Ердоган води со 49,36 отсто од гласовите, потоа Киличдароглу со 44,99 отсто, а кандидатот Синан Оган добил 5,21 отсто од гласовите.
Киличардоглу има предност во поголемите урбани центри, води во Истанбул со 48,55 отсто, Анкара 47,31 отсто, Измир 63,29 отсто, Анталија 53,13 отсто и Аданија со 50,89 отсто.
Ердоган, пак, води само во Бурса со 51,47 отсто и Коња со 68,94 отсто.
На крајниот исток на земјата, која е главно населена со Курди, Киличардоглу извојува убедлива победа.
Но, во централниот дел на земјата, како и на северот, Ердоган извојува убедлива победа, па на места како Јозгат има дури 72,7 отсто или Бајбурт, 78,86 отсто од гласачите.
Киликардоглу најубедливата победа ја извојува во градот Тунџели каде освои 80,26 отсто од гласачите.
За две недели ќе се одржи вториот круг од претседателските избори во Турција, а се чини ќе пресудат гласовите на третопласираниот кандидат Синан Оган.