Избодени 8 луѓе во Шведска, напаѓачот е во притвор

Шведската полиција отвори истрага за можен терористички напад откако во градот Ветланда осум лица се избодени со нож

Полицијата соопшти дека момче на околу 20-годишна возраст почнало да ги напаѓа со нож луѓето околу себе околу 15 часот, по што безбедносните сили отвориле оган и го раниле во нога.

Напаѓачот е пренесен в болница. Некои од жртвите се полесно, а некои се потешко повредени.