Иванов му ја исполнува желбата на Груевски, ги повика лидерите на средба

Претседателот Ѓорѓе Иванов вечерва нешто по 22 часот и се обрати на јавноста и ги повика лидерите на политичките партии утре да дојдат на лидерска средба.

-Секој треба да е одговорен за постапките, и последиците кои произлегуваат од истите. Оваа состојба може да се надмине само преку уставниот поредок. Нема прашање кое не може да се надмине согласно законот и Уставот, рече Иванов.

Ги повика граѓаните да останат присебни и смирени и да не се подлегнуваат на провокации.