467
Во интервју за српската телевизија Пинк, поранешниот македонски премиер Никола Груевски вели дека Србија не му помогнала во бегството до Будимпешта.
-Од Тирана, преку Црна Гора и Србија стигнав во Унгарија. Како што веќе е познато, превозот ми е обезбеден од страна на унгарската дипломатија. Кога стигнав во Тирана, побарав политички азил, поради политички проблеми. После извесен период бев примен во амбасадата и бев известен дека ќе ми обезбедат превоз до унгарската граница, каде таа држава одлучи да ми даде азил поради политички проблеми – вели Груевски.
Тој додава дека Унгарија е членка на ЕУ и НАТО и дека во неа може да добие вид на престој, кој би го заштитил од понатамошни политички проблем.